Ask MOI

2017 Holidays

Active Rules and Laws by Ministry

Daw Aung San Suu Kyi Speech (2016 Oct 16)

Myanmar Investment Law (2016)

“မြန်မာနိုင်ငံ ရင်းနှီးမြှုပ်နှံမှု ဥပဒေ” ( ၂၀၁၆ ခုနှစ်၊ ပြည်ထောင်စု လွှတ်တော် ဥပဒေအမှတ် ၄၀)အား Download ရယူရန်=> 
https://lnkd.in/fPDQ8SD

MPT Sim Card Online Registration

https://care.mpt.com.mm/

Myanmar Press Conference (Oct 2016)

Daw Aung Sun Suu Kyi Speech (2016 Sep 3)

ပြည်ထောင်စုငြိမ်းချမ်းရေးညီလာခံ- ၂၁ ရာစု ပင်လုံ နောက်ဆုံးနေ့၌
ပြည်ထောင်စုငြိမ်းချမ်းရေးညီလာခံ -(၂၁) ရာစုပင်လုံ ကျင်းပရေးဗဟိုကော်မတီ ဥက္ကဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြားသည့် ကျေးဇူးတင် အမှာစကား

ကျွန်မတို့ ဒီညီလာခံကြီးဟာ ငြိမ်းချမ်းရေးဖြစ်စဉ်ရဲ့ တစိတ်တပိုင်းဖြစ်ပါတယ်။ ဖြစ်စဉ်တစ်ခုဆိုတာ အစဉ်တစိုက် လုပ်နေဖို့အရာဖြစ်ပါတယ်။ ကျွန်မတို့ဟာ ဒီညီလာခံထဲမှာ ရောက်နေတဲ့ အချိန်မှာပဲ ငြိမ်းချမ်းရေးကိစ္စ စဉ်းစားဖို့မဟုတ်ပါဘူး။ အစည်းအဝေးတွေ ကျင်းပနေချိန်မှသာ ငြိမ်းချမ်းရေးကို စဉ်းစားနေဖို့ မဟုတ်ပါဘူး။

တချိန်လုံး ကျွန်မတို့ဟာ ငြိမ်းချမ်းရေးကို ဘယ်လိုရအောင်ယူကြမလဲ ကျွန်မတို့ရဲ့ ပြည်ထောင်စုကြီး ခိုင်ခံအောင် ချမ်းသာအောင်လို့ဘယ်လို လုပ်ကြမလဲဆိုတာ အစဉ်တစိုက် ကျွန်မတို့ စဉ်းစားနေကြရမယ့် ကိစ္စဖြစ်ပါတယ်။ အခု ဒီညီလာခံကြီးအတွင်းမှာ ဆွေးနွေးခဲ့တဲ့ အရာအားလုံးကို ပြည်သူလူထု သိနိုင်အောင်လို့ ကျွန်မတို့ လွှင့်ပေးပါတယ်။ ဒီလိုလွှင့်ပေးခြင်းအားဖြင့် ပြည်သူလူထုဟာ ကျွန်မတို့ရဲ့ ငြိမ်းချမ်းရေး ညီလာခံထဲမှာ မဖြစ်မနေပါဝင်ရမယ့်ပုဂ္ဂိုလ်များဖြစ်တယ် ဆိုတာကို နားလည်စေချင်တယ်။

ပြည်သူများအနေနဲ့ ကျွန်မတို့ငြိမ်းချမ်းရေးရဖို့ ဘယ်လိုအခက်အခဲတွေ ကျော်လွှားဖို့ လိုမလဲဆိုိတာကို နားလည်စေချင်တယ်။ အခက်အခဲတွေရှိတယ် ဆိုတာသိမှ ဒီအခက်အခဲတွေကို ဘယ်လိုကျော်လွှား ရမလဲဆိုတဲ့ အဖြေကို ကျွန်မတို့ ရှာနိုင်မှာဖြစ်ပါတယ်။

အခုဆိုရင် အစုအဖွဲ့ အသီးသီး ပုဂ္ဂိုလ်များအရ အစုအဖွဲ့များအရ ပြောသွားတဲ့နေရာမှာ ဘယ်သူတွေဟာ အတိတ်ကို ပိုပြီးလှည့်ကြည့်တဲ့နေရာမှာ အားသန်သလဲ ဘယ်သူတွေဟာ အနာဂတ်ကို မျက်နှာမူတဲ့ နေရာမှာ အားသန်သလဲ ဆိုတာလည်း ပေါ်လာပါလိမ့်မယ်။ ဒါပေမယ့်လည်း ဒါတွေက ထာဝရ မဟုတ်ပါဘူး။

အခုချိန်မှာ အတိတ်ကို လှည့်ကြည့်နေတဲ့ ပုဂ္ဂိုလ်များဟာ နောင်တချိန်မှာ အနာဂတ်ဘက်ကို လှည့်သွားတာလဲ ဖြစ်နိုင်ပါတယ်။ ဖြစ်ဖို့လည်း ကျွန်မတို့ မျှော်လင့်ပါတယ်။ အတိတ်ရဲ့ ချည်နှောင်မှုကို ကျွန်မတို့က ခံနေမှာလား။ အနာဂတ်ကိုသတ္တိရှိရှိနဲ့ ရင်ဆိုင်ပြီးတော့ တည်ဆောက်သွားမှာလား ဆိုတာကို ကျွန်မတို့ တစ်ဦးချင်းတစ်ဦးချင်း ဆုံးဖြတ်ရမယ့်ကိစ္စဖြစ်ပါတယ်။

ဒီဆုံးဖြတ်ချက်ဟာ အစုအဖွဲ့တစ်ခုအတွက်လည်း မဟုတ်ပါဘူး။ ပုဂ္ဂိုလ်တစ်ဦး တစ်ယောက်တည်း အတွက်လည်း မဟုတ်ပါဘူး။ တိုင်းရင်းသားလူမျိုးစု တစ်ခုအတွက်လည်း မဟုတ်ပါဘူး။ ကျွန်မတို့ ပြည်ထောင်စုကြီး အတွက် ဖြစ်တယ်ဆိုတာကို ကျွန်မတို့ သဘောပေါက်ဖို့လိုပါတယ်။

ပြည်ထောင်စုကြီး ငြိမ်းချမ်းရေးဆိုတာ ကမ္ဘာ့ငြိမ်းချမ်းရေးနဲ့လည်း သက်ဆိုင်နေပါတယ်။ ဒါကြောင့်မို့ ဒီခန်းမထဲက ဖြစ်စဉ်ကို တကမ္ဘာလုံးကလည်း စိတ်ဝင်စား ကြပါတယ်။

ဒီလိုငြိမ်းချမ်းရေး ရယူဖို့ဆိုတာအင်မတန်မှ ခက်ခဲတဲ့ကိစ္စပါ။ အခြားနိုင်ငံတွေမှာလဲ အခက်အခဲတွေ ကျော်လွှားပြီး ငြိမ်းချမ်းရေးရယူကြတယ်။ အဲလိုရယူတဲ့အချိန်မှာဆိုရင် မုဒိတာပွားကြတယ်။ စိတ်ချမ်းသာ ကြတယ်။ ဘာဖြစ်လို့လဲဆိုတော့ လူသား တွေထဲမှာဆိုရင် အချင်းချင်းဆက်နွယ်မှုဆိုတာရှိတယ်။

တနေရာမှာ ငြိမ်းချမ်းရေးရသွားပြီဆိုရင် ကျွန်မတို့ နိုင်ငံအတွက် မျှော်လင့်ချက် ရသလို ကျွန်မတို့ နိုင်ငံမှာ ငြိမ်းချမ်းရေးအောင်မြင်မယ်ဆိုရင် တခြားနိုင်ငံတွေ အတွက်လဲ မျှော်လင့်ချက်ပေးရာရောက်ပါတယ်။

ဒါကြောင့်ကျွန်မတို့အားလုံး ကိုယ့်တာဝန်ဟာ ဘယ်လောက်ကြီးမားတယ်။ ဒီတာဝန်ကို ကျေကျေပွန်ပွန် ထမ်းဆောင်နိုင်ဖို့ အခွင့်အရေးဟာဘယ်လောက် ဂုဏ်သိက္ခာရှိတယ်ဆိုတာမေ့လို့မဖြစ်ပါဘူး။ အခု ဆိုလို့ရှိရင် ဒီညီလာခံဟာ ညီလာခံရဲ့နိဒါန်းပဲဖြစ်ပါ တယ်။ ပထမအစည်းအဝေးပါ။ ပထမ အစည်းအဝေး ပြီးရင် နောက်လည်း အစည်းအဝေးတွေလည်း လာဦးမှာပါ။ ကြားထဲမှာ လုပ်စရာတွေအများကြီးရှိပါတယ်။

အမျိုးသားအဆင့်ဆွေးနွေးပွဲများလုပ်ဖို့ဆိုတာဟာ ဒီညီလာခံပြီးတာနဲ့ အစည်းအဝေး ပြီးတာနဲ့ စတင်ပြီး ပြင်ဆင်ရတော့မှာ ဖြစ်ပါတယ်။ ကျွန်မတို့ရဲ့ CSO ဖိုရမ်တွေဖြစ်မြောက်ဖို့ စတင်ပြင်ဆင်ရတော့မှာ ဖြစ်ပါတယ်။ လုပ်စရာ အလုပ်တွေက အများကြီးပါပဲ။ဒါပေမယ့်လုပ်ရကျိုးနပ်ပါတယ်။ ဘာဖြစ်လို့လဲ ဆိုတော့ ကျွန်မတို့လုပ်နေတာက နိုင်ငံရဲ့အနာဂတ်အတွက် လုပ်နေတာဖြစ်ပါတယ်။ နိုင်ငံရဲ့ အနာဂတ် ဆိုတာဟာ အင်မတန်မှကြာရှည်တဲ့ ကာလကြီးပါ။ နိုင်ငံရဲ့ အနာဂတ်မှာဒီနိုင်ငံရဲ့ အရိပ်ကိုခိုလုံ သွားရမယ့် ပြည်သူ ပြည်သားများ ဆိုတာလည်းမရေမတွက်နိုင် အောင်ရှိပါလိမ့်မယ်။ ဒီကမ္ဘာကြီး ဘယ်လောက် ကြာကြာခံ နိုင်မလဲဆိုတာက ကျွန်မတို့တယောက်မှမသိပါဘူး။ ကမ္ဘာတည်သရွေ့ ကျွန်မတို့ မှီတင်း နေထိုင်သူများ အားလုံး လုံခြုံဖို့အတွက်ကိုယ်စိတ် နှစ်ဖြာချမ်းသာဖို့အတွက် ကျွန်မတို့ လုပ်နိုင်မယ် ဆိုလို့ရှိရင် ဒါဟာ ကျွန်မတို့လူဖြစ်ရကျိုးနပ်ပြီလို့ အားလုံးကပြောနိုင်ပြီဖြစ်ပါတယ်။

ဒါကြောင့်မို့ ကျွန်မတို့ညီလာခံကို တတ်ရောက်လာတဲ့ ကိုယ်စားလှယ်များ အားလုံး ဒီညီလာခံရဲ့ အောင်မြင်မှုမှာ ပါဝင်ရမယ့်ကိုယ်စားလှယ် အားလုံးဟာ လူဖြစ်ရကျိုးနပ်အောင်ကြိုးစားကြပါလို့ ကျွန်မ တိုက်တွန်းချင်ပါတယ်။ ကျွန်မတို့ဟာ ဒီလောကကြီး လာသွားရတာဟာ တစ်ခဏလေးပါ။ ကျွန်မတို့ အသက် ဘယ်လောက်ရှည် နိုင်မလဲ။ ကျွန်မသိသလောက် ကမ္ဘာဆုံးအသက်အရှည်ဆုံး ပုဂ္ဂိုလ်ဟာ ၁၂၀ လောက် ဖြစ်ပါတယ်။ ၁၂၀ ဆိုတာ ဘာမှမဟုတ်ပါဘူး။

နိုင်ငံတစ်နိုင်ငံရဲ့ သက်တမ်းနဲ့ စာလို့ရှိရင် ကမ္ဘာကြီးရဲ့ သက်တမ်းနဲ့စာလို့ရှိရင် ၁၂၀ ဆိုတာ ဘာမှ မဟုတ်ပါဘူး။ ကျွန်မတို့တွေ ကံကောင်းလို့ ကျန်းမာရေးကောင်းလို့ ၁၂၀ ထိနေနိုင်တယ်ပဲ ဆိုပါဦးစို့ ဒီ ၁၂၀ ဆိုတာ တခဏလေးပါပဲ။ ကျွန်မတို့လို အသက်ရောက်နေတဲ့သူတွေဆိုရင် ၁၂၀ ထိနေဖို့ဆိုတာ သိပ်တော့ မကျန်တော့ပါဘူး။ ဒီတော့ ကျွန်မတို့ဟာ ကိုယ်ရှိတဲ့ အချိန်လေးကို တန်ဖိုးရှိအောင် သုံးကျပါစို့ ကိုယ်ရှိတဲ့ အချိန်လေးကို အရင်တုန်းကဖြစ်ခဲ့တဲ့ကိစ္စတွေကို ပြန်လှည့်ကြည့်ပြီး အာဃာတတွေ ပွားနေမယ့် အစား တစ်ဦးပေါ်တစ်ဦး သံသယတွေပွားနေမယ့်အစား ကျန်တဲ့အချိန်အတွင်းမှ ဘယ်လို အာဃာတတွေ ပျောက်အောင် လုပ်မလဲ။

ဘယ်လိုဒီသံသယတွေ ကင်းစင်အောင်လုပ်မလဲ။ ဘယ်လိုကောင်းမွန်တဲ့ အမွေအနှစ်တစ်ခုကို ချန်ထား ခဲ့မလဲ ဆိုိတာကို စဉ်းစားကြပါစို့လို့ ကျွန်မကနေပြီး တော့တိုက်တွန်းချင်ပါတယ်။ အခု ကျွန်မတို့ ညီလာခံ အတွင်းမှာ တစ်ခါတလေ အထစ်အငေါ့လေးတွေဖြစ်တယ် မပြေလည်တဲ့ကိစ္စတွေ ရှိပေမယ် ဒီညီလာခံ ဖြစ်မြောက်အောင်လို့ လုပ်ပေးတဲ့ပုဂ္ဂိုလ်တွေအားလုံးကို ကျွန်မလှိုက်လှိုက်လှဲလှဲ ကျေးဇူးတင် ပါတယ်။

ဒီညီလာခံ လုပ်ဖို့အချိန်လည်း သိပ်ရှိခဲ့တာ မဟုတ်ဘူး။ အချိန်သိပ်ရှိခဲ့တာ မဟုတ်ဒါဆို အချို့က မေးမယ်။ ဘာလို့မြန်မြန်လုပ်လဲ ဘာလို့မစောင့်လဲဆိုရင် ဒါက စောင့်ရမယ့် ကိစ္စလည်းမဟုတ်ဘူး။ ကျွန်မတို့မှာ ရှိတဲ့ အချိန်ကို လုပြီး လုပ်နေရတာပါ။ ရှိတဲ့အချိန်က လုပြီးလုပ်တယ် ဆိုတာက ကျွန်မတို့အတွက်လည်း မဟုတ်ဘူး။ ကျွန်မတို့ အစိုးရအတွက် လည်းမဟုတ်ဘူး။

ကျွန်မတို့ အစိုးရဖြစ်ဖြစ် ဘယ်အဖွဲ့အစည်းဖြစ်ဖြစ် ပြည်သူလူထုရဲ့ ထောက်ခံမှုမရှိရင် ဘယ်ကိစ္စကိုမှ အောင်မြင်အောင် လုပ်နိုင်မှာမဟုတ်ပါဘူး။ ဒါကြောင့် ကျွန်မတို့က ပြည်သူလူထုရဲ့ ယုံကြည်မှု ထောက်ခံမှု ပြည်သူလူထုရဲ့ လေးစားမှုရအောင်လို့ ညီလာခံကြီး ဖြစ်မြောက်အောင် အားလုံးကြိုးစား ၀ိုင်းလုပ်ဖို့ လိုပါတယ်။ ပြည်သူတွေက ကြည့်နေကြပါတယ်။ ပြည်သူတွေက နားထောင်နေကြပါတယ်။ ပြည်သူတွေက မျှော်လင့်နေကြပါတယ်။ ပြည်သူတွေက သုံးသပ်နေကြပါတယ်။

ဘယ်သူတွေဟာ ဘယ်လိုစိတ်ထားရှိတယ်။ ဘယ်လို ပြသာနာတွေ ကျွန်မတွေ အားလုံးကျော်လွှားရမယ်။ ဘယ်သူတွေက ကျွန်မတို့နိုင်ငံအတွက် အဓိကစေတနာထားပြီး ကြိုးစားမယ်ဆိုတာကို ပြည်သူတွေက ဆုံးဖြတ်မှာပါ။ ကျွန်မတို့ဆုံးဖြတ်လို့ ရတာမဟုတ်ဘူး။

လူတစ်ဦးရဲ့တန်ဖိုးဆိုတာ တနေ့တနေ့ ပြောင်းနေပါတယ်။ ဘာလို့လဲဆိုတော့ နေ့တိုင်းနေ့တိုင်းက အခွင့်အရေးသစ်ပါ။ တနေ့နေ့မိုးလင်းလာတာနဲ့ကိုယ့်မှာ အခွင့်အရေး သစ်တွေရလာတာပါ။

ဒီအခွင့်အရေးသစ်တွေကို ထိုက်ထိုက်တန်တန် သုံးကြပါလို့ တိုက်တွန်းချင်ပါတယ်။ ဒီအခွင့်အရေးသစ် တွေကို ထိုက်ထိုက်တန်တန်သုံးခြင်းအားဖြင့်ကျွန်မတို့ လိုချင်တဲ့ ပန်းတိုင်ကိုရောက်မှာပါ။

အခုပြောသွားတဲ့ ပွင့်ပွင့်လင်းလင်း ဝေဖန်တာတို့ တိုက်ခိုက်တာတို့လည်း ပါသွားပါတယ်။ ဒီကိုယ်စားလှယ် တွေ ထဲမှာ ကျွန်မကလည်းဒီလိုဖြစ်တာဟာ ဘာမှကြောက် စရာမရှိဘူးလို့ ကျွန်မဒီလိုပဲယုံကြည်ပါတယ်။ စိုးရိမ်စရာမရှိဘူး။ ပြဿနာကို စိုးရိမ်စရာမရှိပါဘူး။ ပြဿနာမရှိချင်ယောင်ဆောင်နေရတာဟာ ဒါကသာ စိုးရိမ်စရာ ဖြစ်ပါတယ်။ ပြသာနာ မရှိချင်ယောင်ဆောင်နေရင် ပြသာနာတွေဖြေရှင်းနိုင်မှာ မဟုတ်ပါဘူး။

ဒါကြောင့် သတ္တိရှိရှိနဲ့ ဒီပြသနာတွေကို ရင်ဆိုင်မယ်ဖြေရှင်းနိုင်တဲ့ အရည်အချင်းတွေ မွေးထုတ်မယ်။ တစ်ဦးကိုတစ်ဦး ကူညီမယ်ဖေးမမယ်။ တစ်ဦးရဲ့အမြင်တစ်ဦးက လေးစားမယ် နားထောင်မယ်။ သဘောထားချင်း မတိုက်ဆိုင်ရင်တောင် ဘာကြောင့် မတိုက်ဆိုင်တဲ့ သဘောထားတွေ ရှိနေလဲဆိုတာ စဉ်းစားရမယ်။ ဒါမှကျွန်မတို့ အားလုံးညီညီညွတ်ညွတ်နဲ့ လိုချင်တဲ့ ငြိမ်းချမ်းရေးပန်းတိုင်ကို ရောက်နိုင်မှာ ဖြစ်ပါတယ်။

ကျွန်မ ဒီညီလာခံကြီးကို နေ့တိုင်းမတတ်ဖြစ်ဘူး။ ဒါပေမယ့် ကျွန်မဒီဖြစ်စဉ်ကြီးကို အင်မတန်မှ အလေးထားပါတယ်။ ကျွန်မတို့ အစိုးရက အဓိက အင်အားက ပြည်သူတွေ လက်ထဲမှာရှိတယ် ဆိုတဲ့ မူကို အလေးထားပါတယ်။ အစိုးရအဖွဲ့ဆိုတာ ပြည်သူလူထုရဲ့ သဘောထားတွေကို လိုက်နာဖို့နဲ့ အလေးထားဖို့က အရေးကြီးပါတယ်။

ကျွန်မတို့ဟာ အစိုးရကောင်းတစ်ခု ဖြစ်အောင်ကြိုးစားနေပါတယ်။ ၂၁ပင်လုံဟာ ၁၉၄၇ ခုနှစ် ကျင်းပခဲ့တဲ့ ပင်လုံလိုပဲ ကျွန်မတို့ နိုင်ငံသမိုင်းမှာ ဂုဏ်ယူစရာဝင့်ကြွားစရာ အားတတ်စရာ အခမ်းအနားကြီး အခင်းအကျင်းကြီး တစ်ခုဖြစ်စဉ်ကြီး တစ်ခုဖြစ်ဖို့ ၀ိုင်းဝန်းကြိုးစားကြပါလို့ ပြောရင်း နိဂုံးချုပ်ပါတယ်။

Source: https://www.facebook.com/state.counsellor/posts/869936426473908

Daw Aung Sun Suu Kyi Speech (2016 Oct 15)

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCA လက်မှတ်ရေးထိုးခြင်း နှစ်ပတ်လည်နေ့ အထိမ်းအမှတ် အခမ်းအနား တွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြားသည့် မိန့်ခွန်း
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

နေပြည်တော် အောက်တိုဘာ ၁၅

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) လက်မှတ်ရေးထိုးခြင်း နှစ်ပတ်လည်နေ့အထိမ်းအမှတ်အခမ်းအနားတွင် အမျိုးသားပြန်လည် သင့်မြတ် ရေးနှင့်ငြိမ်းချမ်းရေးဗဟိုဌာန ဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစု ကြည် ပြောကြား သည့် မိန့်ခွန်းအပြည့်အစုံမှာ အောက်ပါအတိုင်း ဖြစ်ပါသည်-

ယနေ့ အခမ်းအနားကို တက်ရောက်လာကြတဲ့ နိုင်ငံတော်သမ္မတကြီးနှင့်တကွ ဧည့်သည်တော်များအားလုံး ကျွန်မတို့ရဲ့ တိုင်းရင်းသားညီအစ်ကိုမောင်နှမ အားလုံးကို ကြိုဆိုနှုတ်ခွန်းဆက်ပါတယ်။

ကျွန်မတို့ ဒီနေ့ဟာ(NCA –Nationwide Ceasefire Agreement) တစ်နိုင်ငံလုံး ဆိုင်ရာ အပစ်အခတ်ရပ်စဲရေးသဘောတူညီချက် စာချုပ်ရဲ့ တစ်နှစ်ပြည့်မြောက်တဲ့ အခမ်းအနား ဖြစ်ပါတယ်။ ဒီတစ်နှစ်အတွင်းမှာလည်း အတော်အတန်ပဲ တိုးတက်မှုရှိခဲ့ တယ်လို့ ကျွန်မတို့ယုံကြည်ပါတယ်။ ဒီစာချုပ်ကို ပထမဦးဆုံး လက်မှတ်ရေးထိုးဖြစ် အောင် ၀ိုင်းဝန်းပြီးတော့ ကူညီခဲ့ကြတဲ့ ယခင်အစိုးရ၊ နိုင်ငံတော်သမ္မတ ဦးသိန်းစိန်နှင့် တကွ အားလုံး ကိုလည်း ကျွန်မတို့ ကျေးဇူးတင်ပါတယ်။ ဂုဏ်ပြုပါတယ်။

လမ်းတစ်လမ်းကို စလျှောက်မယ်ဆိုရင် ပထမခြေလှမ်းက အရေးအကြီးဆုံး ပါပဲ။ အဲ့ဒီတော့ ကျွန်မတို့ဟာ ပထမခြေလှမ်းကို လှမ်းလို့ ပြီးပါပြီ။ ဆက်ပြီးတော့ လှမ်းစရာ ခြေလှမ်းတွေ ရှိပါသေးတယ်။ အခုကျွန်မတို့ရဲ့ NCA ထဲမှာ ဘာတွေပါလဲဆိုတာ ကိုတော့ အခု အခမ်းအနားမှာ ဖတ်ပြကြမှာဖြစ် ပါတယ်။ ကျွန်မတို့ အခုဆိုရင် အပစ် အခတ်ရပ်စဲရေး(Nationwide)ဆိုတာ၊ တစ်နိုင်ငံလုံးဆိုင်ရာဆိုပေမယ့်လည်း တစ်နိုင်ငံ လုံးဆိုင်ရာ ကျွန်မတို့ ပါစေချင်တဲ့ ပုဂ္ဂိုလ်များ၊ ပါသင့်ပါထိုက်တဲ့အဖွဲ့များအားလုံး မပါ သေးဘူး ဆိုတာကိုလည်း ကျွန်မတို့သိပြီးသားဖြစ်ပါတယ်။ အားလုံးပါဝင်ဖို့ဟာ အင်မတန်မှ အရေးကြီးပါတယ်။

ကျွန်မတို့နိုင်ငံအတွက် အရေးကြီးပါတယ်။ ငြိမ်းချမ်းရေးဆိုတာ ဘာနဲ့မှလဲလို့ မရတဲ့ ရတနာကြီးတစ်ခုပါပဲ။ ကျွန်မတို့ ငြိမ်းချမ်းရေးရအောင် လုပ်ဖို့ဆိုတဲ့နေရာမှာ ကျွန်မက Nationwide Ceasefire Agreement ဆိုတဲ့စကားကို ဆင်ခြင်လိုက်ပါတယ်။ တစ်နိုင်ငံလုံးဆိုင်ရာ အပစ်အခတ်ရပ်စဲရေး ဆိုတာကို NCA လို့လွယ်လွယ်နဲ့ ခေါ်ကြ ပါတယ်။ မြန်မာစကားနဲ့ကျတော့ အပစ်အခတ်ရပ်စဲရေးပေါ့။ အင်္ဂလိပ်ဘာသာ စကားနဲ့ ဆိုရင် Ceasefire၊ Fire ဆိုတာ ပစ်ခတ်ခြင်း၊ Fire ဆိုတာတိုက်ခိုက်ခြင်းပါပဲ။ ဒီတော့ Fire ဆိုတာ မီးဆိုတဲ့စကားကနေ လာတာဖြစ်ပါတယ်။ အဲဒီတော့ ငြိမ်းချမ်းရေးရဖို့ ဆိုရင်၊ အပစ်အခတ်ရပ်စဲရေးတွေရဖို့ဆိုရင် ကျွန်မတို့ရဲ့ အတွင်းမီးတွေဖြစ် တဲ့ ဒေါသ တွေ၊ အာဃာတတွေငြိမ်းဖို့ဟာ အင်မတန်မှအရေးကြီးပါတယ်။ သက်ဆိုင်ရာပုဂ္ဂိုလ် အသီးသီး၊ အဖွဲ့အစည်းအသီးသီးက မိမိတို့အတွင်းက ဒေါသတွေ၊ အာဃာတတွေ ငြိမ်းအောင်လုပ်နိုင်မှ ကျွန်မတို့စစ်မှန်တဲ့ ငြိမ်းချမ်းရေးရနိုင်မှာပါ။

ကျွန်မတို့အဖွဲ့အစည်းများအတွင်းမှာရှိတဲ့ အာဃာတဒေါသမီးတွေ ငြိမ်းမှ ပြည်သူပြည်သားတွေရဲ့ သောကမီးတွေ ငြိမ်းနိုင်မှာဖြစ်ပါတယ်။ ဒါကြောင့် ကျွန်မတို့ ဟာ အပစ်အခတ်ရပ်စဲရေး Ceasefire အတွက် လုပ်တယ်ဆိုရာမှာ ကျွန်မတုိ့ရဲ့ ပြည်သူ ပြည်သားများကို သောကဖြစ်စေတဲ့ မီးများအားလုံး ငြိမ်းဖို့အတွက် လုပ်ရတာဖြစ်ပါ တယ်။ အဲဒီတော့ ဒီဟာကိုအဓိကထားပြီး ကျွန်မတို့ရဲ့ အဖွဲ့အစည်းအသီးသီးက ဆင်ခြင်စေချင်ပါတယ်။ အားလုံးဟာ ကိုယ့်အမြင်နဲ့ကိုယ် ရှိကြတာပါပဲ။ နာကြည်းချက် တွေရှိခဲ့တယ်ဆိုတာလည်း ကျွန်မတို့မငြင်းပါဘူး။ ဒါပေမယ့် ဒီနာကြည်းချက်တွေကို ကျော်လွှားနိုင်တဲ့ အရည်အချင်းလည်း ကျွန်မတို့အားလုံးမှာရှိတယ်လို့ ကျွန်မယုံကြည်ပါ တယ်။ ဒါကိုကျော်လွှားနိုင်တဲ့ အရည်အချင်းနဲ့ပတ်သက်ပြီးတော့ ကျွန်မတို့ပြိုင်ရမှာပါ။ တကယ်ဆိုရင် ကျွန်မတို့က (Fire Power) မီးအင်အားကို ပြိုင်ရမှာမဟုတ်ပါဘူး။ မီးကို ငြိမ်းနိုင်တဲ့အင်အားကို ပြိုင်ရမှာဖြစ်ပါတယ်။ ဒီလိုကျွန်မတို့ ကြိုးစားနေတဲ့အခါ မှာ တစ်နိုင်ငံလုံးကနေပြီးတော့ စောင့်ကြည့်နေကြပါတယ်။ တစ်နိုင်ငံလုံး က မျှော်လင့်ချက် ကြီးစွာနဲ့ စောင့်မျှော်နေကြပါတယ်။ ပြီးတော့ ကျွန်မတို့ပြည်သူတွေက အခုအစိုးရနဲ့ တကွ တပ်မတော်၊ တိုင်းရင်းသား အဖွဲ့များနဲ့ ဘာတွေလုပ်နေလဲဆိုတာ ကြည့်တဲ့အခါ မှာ ကျွန်မတို့ ရဲ့ပြည်သူတွေကို လျှော့မတွက်ပါနဲ့လို့ မေတ္တာရပ်ခံချင်ပါတယ်။

အများသိတဲ့ကမ္ဘာကျော်အဆိုတစ်ခုရှိပါတယ်။ အများကိုတစ်ခဏလှည့်ဖြား လို့ရ မယ်၊ အချို့ကို ထာဝရလှည့်ဖြားလို့ရမယ်၊ အားလုံးကိုတော့ ထာဝရလှည့်ဖျားလို့ မရ ဘူးဆိုတဲ့ အဆိုပဲဖြစ်ပါတယ်။ ပြောချင်တာကတော့ အဖြစ်မှန်အတိုင်း ရေရှည်မှာတော့ ပြည်သူ ပြည်သားတွေက သိမှာပါပဲ။ ဒီအဆိုထက် ကျွန်မပိုပြီးတော့သဘောကျလို့ အခွင့်အရေးရှိတိုင်း ကျွန်မမျှဝေတဲ့ အဆိုတစ်ခုရှိပါတယ်။ ဒါကတော့ ၁၉၈၈ ခုနှစ် လောက်တုန်း က ကျွန်မကို အင်းလေးဘက်က ဆရာတော်ကြီးတစ်ပါး မိန့်လိုက်တဲ့ သြ၀ါဒစကားပါပဲ။ ဆရာတော်ကြီးက အသက်အားဖြင့် ဟိုးအရင်တုန်းက ဇာတ်မင်း သားကြီး ဦးဖိုးစိန်ရဲ့ခေတ်ကိုမီခဲ့ပါတယ်။ ဆရာတော်ကြီးက ကျွန်မကို မိန့်ပါတယ်။ မင်းသားကြီးဦးဖိုးစိန်ဇာတ်ကိုသွားပြီးတော့ ကြည့်တဲ့အခါမှာ လူရွှင်တော်ကြီးတစ်ဦးက ဇာတ်မကခင်အမြဲပြောတယ်။ ဖိုးစိန်ကြီး ခင်ဗျားလောက်ကတတ်တဲ့သူ ဒီပရိတ် သတ်ထဲမှာ တစ်ယောက်မှမရှိဘူး။ ဒါပေမယ့် ခင်ဗျားခြေထိုးတာလေး နည်းနည်းမှားရင် အားလုံးသိတယ်။ စိန်ဗေဒါကြီး ခင်ဗျားလောက်တီးတတ်တာ ဘယ်သူမှမရှိဘူး။ ဒါပေမယ့် တီးလုံးလေးတစ်ကွက်လွဲသွားရင် အားလုံးသိတယ်လို့ သတိပေးတယ်။ အဲဒါက ဘာကိုဆိုလိုတာလည်းဆိုတော့ ကိုယ်က ဘယ်လောက်ပဲတော်တော် ကိုယ့်ပရိ သတ်ကို အထင်မသေးရဘူး ဆိုတဲ့ သဘောပါပဲ။

အဲဒီတော့ ကျွန်မတို့ရဲ့အစိုးရနဲ့တကွ၊ တပ်မတော်နဲ့တကွ၊ တိုင်းရင်းသား ညီအစ် ကိုမောင်နှမများ၊ အဖွဲ့အစည်းများဟာ ကျွန်မတို့ပြည်သူပြည်သားတွေ ရဲ့ ဆင်ခြင်တုံ တရားကို လျော့ပြီးတော့မတွက်ပါနဲ့၊ ကျွန်မတို့ပြည်သူ ပြည် သားတွေဟာ တစ်ယောက် ချင်း တစ်ယောက်ချင်းအားဖြင့် အစိုးရ အလုပ်ကို လုပ်နိုင်တဲ့ အရည်အချင်း ရှိချင်မှရှိမယ်။ တပ်မတော်ရဲ့တာဝန်တွေကို ထမ်းဆောင်နိုင်တဲ့အရည်အချင်း ရှိချင်မှရှိမယ်။ တိုင်းရင်း သားအဖွဲ့ အစည်းတွေက ခေါင်းဆောင်များရဲ့ အရည်အချင်း ရှိချင်မှရှိမယ်။ ဒါပေမယ့် ဒီနိုင်ငံကို ဘာကအကျိုးပေးတယ်၊ ဘာကအကျိုးမပေးဘူးဆိုတာ ရေရှည် မှာ ပြည်သူ ပြည်သားအားလုံး သိကြပါတယ်။ ဒါကြောင့် ကျွန်မတို့ နိုင်ငံ သူနိုင်ငံသားတွေရဲ့ ကူညီထောက်ပံ့မှုနဲ့အတူ လိုအပ်တဲ့ခြေလှမ်းကို လှမ်းစေချင်ပါတယ်။

ဒီလိုလိုအပ်တဲ့ ခြေလှမ်းတွေလှမ်းဖို့ သတ္တိလိုတယ်ဆိုတာ ကျွန်မ မကြာခဏ ပြောပါတယ်။ ဘာဖြစ်လို့လဲဆိုတော့ အတိတ်လမ်းကြောင်းကနေပြီးတော့ ပစ္စုပ္ပန်မှာ အနာဂတ်အတွက် ပြောင်းလဲဖို့ဆိုတာ ပြောင်းလဲခြင်းကို လုပ်ရဲတဲ့သတ္တိ၊ ရင်ဆိုင်ရဲတဲ့ သတ္တိ အင်မတန်မှအရေးကြီးပါတယ်။ ဘယ်သူပဲဖြစ်ဖြစ် ကိုယ်လုပ်နေကျကိစ္စဆိုရင် ပိုပြီးတော့သက်သာပါတယ်။ အသစ်အဆန်းကို ရင်ဆိုင်ဖို့ဆိုတာကတော့ သတ္တိလို တယ်၊ အတွေးအခေါ်လိုတယ်၊ အရည်အချင်းလိုတယ်။ ဒီလိုသတ္တိတွေ၊ အတွေးအခေါ် တွေ၊ အရည်အချင်းတွေ ကျွန်မတို့အားလုံးမှာရှိတယ်လို့ ကျွန်မယုံကြည်ပါတယ်။

အဲဒီလိုရှိတဲ့ အရည်အချင်းတွေကို ထုတ်ပြီးတော့သုံးစေချင်ပါတယ်။ အခု ကျွန်မတို့ NCA လက်မှတ်ထိုးပြီးတာ တစ်နှစ်ကြာပါပြီ။ တစ်နှစ်ကြာပြီ ဆိုပေမယ့်လည်း မထိုးရသေးတဲ့အဖွဲ့တွေ တစ်ခုမှထပ်ပြီးတော့ မတိုးသေးတာဟာ ကျွန်မတို့အတွက် အင်မတန်မှ ၀မ်းနည်းစရာဖြစ်ပါတယ်။

ကျွန်မပြောချင်တာကတော့ အစိုးရအဖွဲ့၊ တပ်မတော်အဖွဲ့၊ တိုင်းရင်းသားများ အဖွဲ့အစည်းများအားလုံးဟာ ဘယ်သူတွေကပိုပြီးတော့ သဘောထားကြီးနိုင်သလဲ။ ဘယ်သူတွေကပိုပြီးတော့ ခွင့်လွတ်သည်းခံနိုင်သလဲ။ ဘယ်သူတွေက နိုင်ငံရဲ့ အနာဂတ်ကို အတိတ်ထက်ပိုပြီးတော့ တန်ဖိုးထားနိုင်သလဲဆိုတဲ့နေရာမှာပဲ ပြိုင်ကြ ပါလို့ ကျွန်မပြောချင်ပါတယ်။ (Fire Power) တိုက်ခြင်းခိုက်ခြင်း၊ တိုက်နိုင်တဲ့ အရည် အချင်းကို ပြိုင်မယ့်အစား မီးငြိမ်းအောင်လုပ်နိုင်တဲ့ အင်အားကို၊ အရည်အချင်းကို ပြိုင်ကြပါလို့ ကျွန်မအနေနဲ့ မေတ္တာရပ်ခံချင်ပါတယ်။

ကျွန်မတို့ အစိုးရအဖွဲ့ရဲ့ ရည်ရွယ်ချက်တွေကတော့ အားလုံးသိပြီးသား ဖြစ်ပေမယ့်လည်း ထပ်ပြီးတော့သတိပေးပါရစေ။ ကျွန်မတို့ဟာ အခု အောက်ပါအတိုင်း ဆောင်ရွက်လျက်ရှိပါတယ်။

ပထမအားဖြင့် နိုင်ငံရေးဆွေးနွေးမှုမူဘောင် ပြန်လည်သုံးသပ်ရမှာဖြစ်ပါတယ်။
ဒုတိယအားဖြင့် နိုင်ငံရေးဆွေးနွေးမှုမူဘောင် ပြန်လည်ပြင်ဆင်ရမှာဖြစ်ပါတယ်။ ဒီလို သုံးသပ်ပြင်ဆင်တဲ့နေရာမှာ အားလုံး ပါဝင်နိုင်အောင်လို့ ကျွန်မတို့ အတတ်နိုင်ဆုံး စီစဉ်ထားပါတယ်။ နောက်ပြီးတော့လည်း ပြင်ဆင်အတည်ပြုပြီးဖြစ်သော နိုင်ငံရေး ဆွေးနွေးမှု မူဘောင်နဲ့အညီ ပြည်ထောင်စုငြိမ်းချမ်းရေးညီလာခံ-၂၁ ရာစု ပင်လုံ ကျင်းပခြင်းပဲ ဖြစ်ပါတယ်။ ကျွန်မတို့ အခုဆိုရင် ၂၁ ရာစု ပင်လုံညီလာခံ ရလဒ်များအား စုစည်းပြီး ပြည်ထောင်စုသဘောတူညီချက် (21 st Century Panglon Conference Agreement)လက်မှတ်ထိုးခြင်းကို ဦးတည်ရပါမယ်။ ပြည်ထောင်စု သဘောတူညီ ချက်နဲ့အညီ ဖွဲ့စည်းပုံအခြေခံဥပဒေ ပြင်ဆင်ရေးသားခြင်း၊ အတည်ပြုခြင်းကို နောက် တစ်ဆင့်သွားရပါမယ်။ နောက်တစ်ဆင့်ကျတော့ ပြင်ဆင်ရေးသားအတည်ပြုပြီးဖြစ်တဲ့ ဖွဲ့စည်းပုံအခြေခံဥပဒေနဲ့အညီ ပါတီစုံဒီမိုကရေစီ အထွေထွေရွေးကောက်ပွဲများ ကျင်းပ ဖို့ ဖြစ်ပါတယ်။ နောက်ဆုံးအဆင့်ကတော့ ပါတီစုံဒီမိုကရေစီအထွေထွေရွေးကောက်ပွဲ ရလဒ်နဲ့အညီ ဒီမိုကရက်တစ်ဖက်ဒရယ် ပြည်ထောင်စုကြီး တည်ဆောက်ဖို့ပဲ ဖြစ်ပါ တယ်။

ဒီမိုကရေစီ ပြည်ထောင်စုနဲ့ပတ်သက်လို့၊ ဒီမိုကရေစီနဲ့ပတ်သက်လို့ ကျွန်မ ထပ်တလဲလဲ သတိပေးပါတယ်။ ဘယ်နှစ်ခါပဲ သတိပေးရပေးရ မလုံလောက်ဘူး လို့ထင်လို့ ကျွန်မထပ်ပြီးတော့ သတိပေးပါရစေ။ ဒီမိုကရေစီဆိုတာ အခွင့်အရေး တွေရှိသလို တာဝန်တွေ အင်မတန်မှကြီးပါတယ်။ ပြည်သူလူထုရဲ့ အုပ်ချုပ်မှုစနစ်ဟာ ပြည်သူတစ်ယောက်ချင်း တစ်ယောက်ချင်းမှာတာဝန်ရှိတဲ့စနစ်လို့ ဒီလိုပဲ ကျွန်မတို့ ပြောရပါလ်ိမ့်မယ်။ ဒါကြောင့်မို့ ကျွန်မတို့ ငြိမ်းချမ်းရေးကိုဦးဆောင်ပြီးတော့ ကြိုးပမ်း နေတဲ့ အဖွဲ့အစည်များ၊ ခေါင်းဆောင်များအားလုံးဟာ တာဝန်ကိုရှေ့ကထားပြီး အခွင့် အရေးကို နောက်ကထားစေချင်ပါတယ်။ တာဝန်ကို ရှေ့ကထားပြီးတော့ လုပ်ဆောင် သွားမှ ကျွန်မတို့နိုင်ငံရဲ့ အနာဂတ်အတွက် အာမခံချက်ရမှာပါ။ အတိတ်ဆိုတာ ပြန်ပြင်လို့ မရပါဘူး။ အတိတ်ကတော့ ဖြစ်ပြီးသွားပါပြီ။ သို့သော်ငြားလည်း အတိတ်ရဲ့ အကျိုးဆက်ကို ပြင်နိုင်ဖို့အတွက် ကျွန်မတို့လိုချင်တဲ့ပုံစံဖြစ်အောင် လုပ်နိုင်ဖို့အတွက် အားလုံးမှာ ချက်ချင်းလက်ငင်း အခုပစ္စုပ္ပန်မှာ အခွင့်အရေးတွေရှိပါတယ်။ ဒီအခွင့် အရေးတွေကို မှန်မှန်ကန်ကန် အသုံးချမယ်ဆိုရင် အနာဂတ်ဟာ ကျွန်မတို့လိုချင်တဲ့ ပုံစံ ပေါ်လာမှာပါ။

ကျွန်မတို့အားလုံးဟာ အနိစ္စတရားကို မလွန်ဆန်နိုင်တဲ့ ပုဂ္ဂိုလ်များဖြစ်ပါတယ်။ ကျွန်မတို့မရှိတော့တဲ့အခါ ဒီနိုင်ငံကို ဘယ်လိုအမွေအနှစ်တွေ ထားခဲ့မလဲဆိုတာ အားလုံးက လေးလေးနက်နက် စဉ်းစားစေချင်ပါတယ်။ ကျွန်မတို့နိုင်ငံရဲ့ ပြည်သူလူထု က သမိုင်းအဆက်ဆက်မှာ တန်ဖိုးထားကျေးဇူးတင်ရမယ့် အမွေအနှစ်မျိုးတွေ ထားခဲ့ စေချင်ပါတယ်။ ဒီလိုအမွေအနှစ်ထားခဲ့ဖို့ဆိုတာ လွယ်လွယ်နဲ့တော့ ဖြစ်မှာမဟုတ်ပါဘူး။ မလွယ်ဘူးလို့ပြောရတာ ဘာလဲဆိုတော့ တကယ့်အခက်အခဲဆုံးကိစ္စက စောစောက ပြောသလို ကိုယ့်ရဲ့အတွင်းမီးတွေကို ငြှိမ်းဖို့ဖြစ်ပါတယ်။ အားလုံးသိတဲ့အတိုင်းပဲ ကျွန်မတို့နိုင်ငံရဲ့ အနောက်ပိုင်းဖြစ်တဲ့ ရခိုင်ပြည်နယ်မှာဆိုရင် စစ်မီးတောက်တွေ ပြန်ပြီးတောက်လာတာကို တွေ့ရပါတယ်။ ပဋိပက္ခမီးတောက်တွေ ပြန်ပြီး တောက်လာ တာကိုတွေ့ရပါတယ်။ ဒါတွေအမြန်ဆုံးငြိမ်းအောင်လုပ်ရပါမယ်။ မီးတောက်တွေ ငြိမ်း ပြစ်ရာမှာ အပြင်ကနေမြင်ရတဲ့ မီးတောက်တွေကို ငြှိမ်းဖို့ဆိုတာ မြန်မြန်ဆန်ဆန်နဲ့ လုပ်နိုင်ပေမယ့် အတွင်းမီးတောက်တွေ ငြိမ်းဖို့ဆိုတာ တော်တော်ခက်ခဲပါလိမ့်မယ်။ အဲဒါကို အားလုံးကနေပြီး တစ်ဦးချင်း၊ တစ်ဦးချင်း တာဝန်ယူပြီးလုပ်စေချင်ပါတယ်။

ကျွန်မတို့အချင်းချင်းကြားမှာ အာဃာတတွေ ပိုပြီးပွားများမယ့်ကိစ္စတွေ၊ အမုန်း တရားပွားများမယ့်ကိစ္စတွေ ရှောင်းရှားဖို့ဆိုတာ တစ်ယောက်ချင်း တစ်ယောက်ချင်း တာဝန်ရှိပါတယ်။ တာဝန်အရ လုပ်သင့်လုပ်ထိုက်တာတွေလည်း လုပ်သွားမှာပါပဲ။ တရားဥပဒေစိုးမိုးရေး မူဘောင်အတွင်းက လုပ်သင့်လုပ်ထိုက်တာတွေ လုပ်သွားမှာပါ။ နိုင်ငံသူနိုင်ငံသားများရဲ့ လုံခြုံရေး၊ နိုင်ငံတည်တံ့ခိုင်မြဲရေးအတွက် လုပ်သင့်လုပ်ထိုက် တဲ့ကိစ္စတွေကို ကျွန်မတို့ တရားဥပဒေဘောင်အတွင်းက မှန်မှန်ကန်ကန်နဲ့ သတ္တိရှိရှိနဲ့ လုပ်သွားမှာဖြစ်ပါတယ်။ ဒီလိုလုပ်တဲ့နေရာမှာ ပြည်သူကလည်း ၀ိုင်းဝန်းပြီး ကျွန်မတို့ကို ထောက်ခံမယ်လိုိ့ ယုံကြည်ပါတယ်။

ဘယ်သူတွေဟာ တကယ်စစ်မှန်တဲ့ငြိမ်းချမ်းရေးကို လိုချင်သလဲ၊ ဘယ်သူ တွေဟာ ငြိ်မ်းချမ်းရေးကို တကယ်မလိုလားဘူးဆိုတာဟာ ပြည်သူတွေ မကြာခင်မှာ မြင်ရမှာပါ။ ပြည်သူတွေကလည်း ဒါကို မျက်စိဒေါက်ထောက် ကြည့်နေမှာဖြစ်ပါတယ်။

ဒီမိုကရေစီလမ်းကြောင်းကို လျှောက်လှမ်းနေတဲ့ ကျွန်မတို့နိုင်ငံဟာ ပြည်သူပြည်သား များရဲ့ အထင်၊ ပြည်သူပြည်သားများရဲ့ အမြင်၊ ပြည်သူပြည်သားများရဲ့ သုံးသပ်ချက် တွေကို အလေးထားပြီး လုပ်သွားမှာဖြစ်ပါတယ်။ ပြည်သူပြည်သားတွေဟာ အစဉ်အမြဲ လုပ်သမျှ မှန်တယ်လို့မပြောပါဘူး။ အားလုံးဟာ အတိုင်းအတာအချိန်တစ်ခုအထိ တစ်ခဏလမ်းလွဲပေါ်မှာရောက်ရင်ရောက်သွားမယ်။ ဒါပေမယ့် ထာဝရ အားလုံးဟာ လမ်းလွဲပေါ်မှာ ရောက်မှာမဟုတ်ပါဘူး၊ အကြောင်းကြောင်းမို့လို့ ပြည်သူပြည်သားတွေ နားမလည်တဲ့ကိစ္စတွေရှိရင် ရှင်းလင်းဖို့ ကျွန်မတို့မှာ တာဝန်ရှိပါတယ်။ ဒီတာဝန်အရ အများနားလည်အောင်လို့ ရှင်းလင်းသွားမယ်ဆိုရင် ပြည်သူတွေဟာ မှန်မှန်ကန်ကန်နဲ့ ငြိမ်းချမ်းရေးဖြစ်စဉ်ကို ၀န်းရံနိုင်လိမ့်မယ်လို့ ယုံကြည်ပါတယ်။

နိဂုံးချုပ်အနေနဲ့ တိုင်းရင်းသားညီအကိုမောင်နှမများကို မေတ္တာရပ်ခံချင်ပါတယ်။ နာကြည်းချက်တွေ ရှိကောင်းရှိပါလိမ့်မယ်။ ဒါပေမယ့်လည်း အတိတ်ကိုပြန်ပြီးတော့ ကြည့်မနေပါနဲ့။ အတိတ်က သင်ခန်းစာတွေကိုပဲယူပါ။ နောင်ကျရင် ကျွန်မတို့ မျိ်ုးဆက် တွေ ခံခဲ့ရတဲ့ ဒုက္ခတွေ၊ သောကတွေကနေ တတ်နိုင်သမျှ နောင်မျိုးဆက်တွေ ကင်းဝေး ဖို့အတွက် ကြိုးစားကြပါ။ အကောင်းဆုံးအမွေအနှစ်ကိုလည်း ဒီနိုင်ငံအတွက်ထားခဲ့ ပေးပါ။ အကောင်းဆုံးအမွေအနှစ်ဆိုတာကတော့ ငြိမ်းချမ်းရေးပဲဆိုတာ ဘယ်နှစ်ခါပဲ ထပ်ပြောပြော လုံလောက်မှာမဟုတ်ဘူးလို့ထင်တာကြောင့် ဒါနဲ့ပဲ နိဂုံးချုပ်ပါရစေ။ ကျွန်မတို့ နိုင်ငံရဲ့နောင်လာနောက်သားတွေအတွက် အကောင်းဆုံး အမွေအနှစ်ဖြစ်တဲ့ ငြိမ်းချမ်းရေးရရှိ်ဖို့အတွက် ကိုယ့်အတွင်းမီးတွေကိုလည်း ငြှိမ်းပြီးတော့ ၀ိုင်းဝန်းပြီး ဆောင်ရွက်ကြပါလို့ မေတ္တာရပ်ခံချင် ပါတယ်။ ကျေးဇူးတင်ပါတယ်။

Source: https://www.facebook.com/MOIWebportalMyanmar/posts/993666374094562