ဓမ္မပဒထဲမှာ ချစ်ခြင်းမေတ္တာနဲ့ ဆိုဆုံးမမှု ရောထွေး နားမလည်တဲ့ မိခင်တစ်ယောက်ဟာ သားငယ် ခိုးယူတဲ့ အလေ့အကျင့်ကို မတားဆီးခဲ့လို့ သူခိုးကြီးဘဝနဲ့ ပြစ်ဒဏ်ခံခါနီးမှာ အမေ့နားရွက်ကိုက်ခဲ့တဲ့အကြောင်း ဖတ်ဖူးပါလိမ့်မယ်။
ကုဋေရှစ်ဆယ်သူဋ္ဌေးသား လင်မယားအကြောင်းလည်း သိကြပါလိမ့်မယ်။
မိဘကသားသမီးတွေကို ပေးတတ်ဖို့ လိုပါတယ်။
ဆရာကလည်း တပည့်တွေကို ပေးတတ်ဖို့လိုပါတယ်။ ဆရာဆိုတာ စာသင်တဲ့ ကျောင်းဆရာ တမျိုးတည်း မဟုတ်ပါဘူး။
သင်ဆရာ၊ မြင်ဆရာ၊ ကြားဆရာ ဆိုတဲ့ အားလုံးဟာ အရေးကြီးပါတယ်။
စာရေးတာတွေ ကျွန်တော်တို့ ဖတ်ပါတယ်။ သုတရသ သင့်လျော်ရာ ရွေးချယ်ယူပါတယ်။
အရွယ်ရောက်ပြီးသူ အတွေ့အကြုံ ရှိလာတဲ့လူတွေမှာ ရွေးချယ်နိုင်စွမ်းရှိကြပါတယ်။
ငယ်ရွယ်သူ၊ အခြေခံပညာနဲ့ အတွေ့အကြုံ ဗဟုသုတနည်းသူတွေအတွက် မိမိရဲ့ အတွေးအမြင် မျှဝေတဲ့အခါ သတိထားဖို့ လိုမယ်ထင်ပါတယ်။
အချို့ နိုင်ငံတွေမှာ စာသင်ကျောင်းက ဆရာ ဆရာမတွေက ၁၃ နှစ်အောက်ကလေးတွေကို Facebook, twitter စတဲ့ လူမှုကွန်ယက်တွေ မသုံးဖို့ ပြောပါတယ်။ မိဘတွေကိုလည်း သတိပြု စောင့်ကြပ်ဖို့ ခေါ်ယူ ဆွေးနွေးပါတယ်။
(Facebook Account ကို ၁၃ ကျော်မှ လုပ်ဖို့ သတ်မှတ်ထားပါတယ်)
ကျွန်တော်တို့ဆီမှာ ၁၃ နှစ်အောက် ကလေးတွေ လူမှုကွန်ယက်သုံးနေကြတယ် ထင်ပါတယ်။ မိဘ ဘိုးဘွားတွေက သုံးရင်းတန်းလန်းနဲ့ ဖုန်းကို ထားရစ်၊ ကလေးက ယူသုံး၊ ဒီလို အများကြီး ဖြစ်ပါလိမ့်မယ်။
အရွယ်ရောက်ပြီးဖြစ်ပေမဲ့ ကျွန်တော်တို့ရဲ့ ကျေးလက်ဒေသနဲ့ အခြားဒေသ ပညာအားနည်းသူတွေ အများကြီးရှိနိုင်ပါတယ်။
မိတ်ဆွေ အချင်းချင်း (Friends only) ပြောဆို ကျီစယ်တာက အခြား အပြင်လူကို စဉ်းစားဖို့ မလိုပေမဲ့ အများပြည်သူ (Public) ပေးရင်တော့ ကျွန်တော်တို့ အလယ်ကလူတွေ ပေးတတ်ဖို့ လိုမယ်ထင်ပါတယ်။
စာနယ်ဇင်းသမားတွေရဲ့ ကျင့်ဝတ်ကိုတော့ အထူး မပြောတော့ပါဘူး။
မိုးခိုင်
၈ ၈ ၂၀၁၇
No comments:
Post a Comment