ကမ္ဘောဒီးယား၊ လာအို၊ မြန်မာနှင့် ဗီယက်နမ် နိုင်ငံ (CLMV နိုင်ငံများ)နှင့် တရုတ်နိုင်ငံတို့မှ ထိုင်းနိုင်ငံသို့ လာရောက် ဆေးကုသမှုခံယူသူများအား ပြည်ဝင်ခွင့်ဗီဇာ မလိုအပ်ဘဲ ရက်ပေါင်း(၉၀) နေထိုင်ခွင့် ရရှိမည်ဖြစ်ကြောင်း ထိုင်းနိုင်ငံ ပြည်သူ့ကျန်းမာရေးဝန်ကြီးဌာနမှ ထုတ်ပြန်
(၁၇-၈-၂၀၁၇၊ နေပြည်တော်)
ကမ္ဘောဒီးယား၊ လာအို၊ မြန်မာနှင့် ဗီယက်နမ် နိုင်ငံ (CLMV နိုင်ငံများ) နှင့် တရုတ်နိုင်ငံတို့မှ ထိုင်းနိုင်ငံတွင် ဆေးကုသမှုခံယူလိုသူများသည် ပြည်ဝင်ခွင့်ဗီဇာ မလိုအပ်ဘဲ ရက်ပေါင်း(၉၀) နေထိုင်ခွင့် ရရှိမည်ဖြစ် ကြောင်း ထိုင်းနိုင်ငံ ပြည်သူ့ကျန်းမာရေးဝန်ကြီးဌာနမှ သတင်းထုတ်ပြန်ထားပါသည်။
ထိုသို့ဆေးကုသမှုခံယူရန်အတွက် ထိုင်း ပြည်သူ့ကျန်းမာရေးဝန်ကြီးဌာန၊ ကျန်းမာရေးဝန်ဆောင်မှု ပေးရေးဌာနမှ အသိအမှတ်ပြုထားသော ထိုင်းနိုင်ငံရှိ ဆေးရုံ(၁၆၀) စာရင်းနှင့် လူနာနှင့် လူနာရှင်မှ ဆောင်ရွက်ရမည့် လုပ်ငန်းစဉ်များအား သိရှိနိုင်ပါရန် အသိပေးဖော်ပြအပ်ပါသည်။
လုပ်ငန်းစဉ်အကျဉ်းမှာ-
- ထိုင်းနိုင်ငံ၊ ပြည်သူ့ကျန်းမာရေးဝန်ကြီးဌာနမှ ခွင့်ပြုထားသည့် စာရင်းတွင် ပါဝင်သည့် ကုသလိုသော ဆေးရုံသို့ ဆက်သွယ်၍ ရက်ချိန်းရယူရန်၊
- ဆေးကုသရန် နေထိုင်ခွင့် ရက်ပေါင်း(၉၀) ရရှိရေး “Confirmation Letter for 90-Day Stay on Medical Ground” အတည်ပြုစာအတွက် လူနာနှင့် လူနာရှင်တို့၏ အချက်အလက်များကို ရက်ချိန်းယူထားသည့် ဆေးရုံသို့ ပေးပို့ရန်၊
- အမည်၊ လိင်၊ လူမျိုး၊ နိုင်ငံကူးလက်မှတ်အမှတ်၊ နိုင်ငံကူးလက်မှတ်မိတ္တူစသည့် အချက်အလက်များ ပေးပို့အကြောင်းကြားထားသည့် လူနာနှင့် လူနာရှင်တို့သည် လေဆိပ်၊ လူဝင်မှုကြီးကြပ်ရေးဌာနတွင် ဆေးရုံမှ အတည်ပြုစာနှင့် နိုင်ငံကူးလက်မှတ်တို့ကို ပြသရန်၊
- လျှောက်ထားသူတို့၏ နိုင်ငံကူးလက်မှတ်ပေါ်တွင် လူဝင်မှုကြီးကြပ်ရေး တံဆိပ်တုံးရိုက်နှိပ်၍ အကောက်အခွန်ဆိုင်ရာ လူဝင်မှုကြီးကြပ်ရေးလုပ်ငန်းစဉ်များ ဆောင်ရွက်ရန်၊
- ဆေးရုံတွင် ဆေးကုသမှုပြီးဆုံးချိန်ထိ ခံယူရမည်ဖြစ်ပြီး၊ ကုသပြီးပါက မိမိ၏ နိုင်ငံသို့ ပြန်လည်ထွက်ခွာရန်၊
ထိုင်းနိုင်ငံသို့ သွားရောက်၍ ဆေးကုသမှုခံယူလိုသူများအနေဖြင့် ရက်ပေါင်း(၉၀) ပြည်ဝင်ဗီဇာ မလိုအပ်ဘဲ နေထိုင်ဆေးကုသခွင့် ရရှိရေးအတွက် ဆေးရုံစာရင်းနှင့် အသေးစိတ် လျှောက်ထားပုံ အဆင့်ဆင့်တို့အား သိရှိနိုင်ပါရန် ထိုင်းနိုင်ငံ ပြည်သူ့ကျန်းမာရေးဝန်ကြီးဌာနမှ ထုတ်ပြန်သည့် လမ်းညွှန်ချက်ကိုလည်း ဖော်ပြအပ်ပါသည်။
Source: https://www.facebook.com/mofamyanmar/posts/743956522471312
ReplyDeleteGreetings! I've been following your web site for some time now and finally got the courage to go ahead and give you a shout out from New Caney Texas! Just wanted to mention keep up the fantastic work! aol.com email sign in