#PMI #Project #Management စီမံကိန်းစီမံခန့်ခွဲရေးအဖွဲ့အစည်း (Project Management Institute-PMI) သည် စီမံကိန်းများစီမံခန့်ခွဲရေး ပညာရပ် အတွက် ဖွင့်လှစ်ထားသည့် အမေရိကန်အခြေစိုက် အကျိုးအမြတ်မယူသော အဖွဲ့အစည်းဖြစ်ပါသည်။ စီမံကိန်း စီမံခန့်ခွဲရေးအဖွဲ့အစည်း (PMI) သည် က္ဘာမှအသိအမှတ်ပြုရသော စီမံကိန်းစီမံခန့်ခွဲမှုဆိုင်ရာ လမ်းညွှန် (A Guide to the Project Management Body of knowledge) ကို အကြိမ်ကြိမ်ပြုပြင်ထုတ်ဝေခဲ့သည်မှာ ၂၀၁၃ ခုနှစ်၌ ပဉ္စမအကြိမ်အထိ ပုံနှိပ်ထုတ်ဝေပြီးဖြစ်ပါသည်။ ဤလမ်းညွှန်ကို အမေရိကန်နိုင်ငံ၏ အမျိုးသားစံချိန်စံညွှန်းအဖြစ် အမေရိကန်နိုင်ငံလုံးဆိုင်ရာ စံချိန်စံညွှန်း အဖွဲ့အစည်း (American National Standards Institute-ANSI) က အသိအမှတ်ပြုသကဲ့သို့ နိုင်ငံတကာစံချိန် စံညွှန်းဆိုင်ရာအဖွဲ့အစည်း (International Organization for Standardization-ISO) ကလည်း နိုင်ငံတကာစံချိန်စံညွှန်းအဖြစ် အသိအမှတ်ပြုပြီးဖြစ်ပါသည်။ ယခုအခါ အဆိုပါ အမေရိကန်အခြေစိုက်စီမံကိန်း စီမံခန့်ခွဲရေးအဖွဲ့အစည်း (PMI) ၏ ပထမအဆင့်သင်ကြားရေး အစီအစဉ် (Certified Associate in Project Management-CAMP) ကို မြန်မာနိုင်ငံ စိုက်ပျိုးရေးတက္ကသိုလ် မှ ကျောင်းသား ကျောင်းသူတို့အား သင်ကြားပေးနိုင်ရန် စိုက်ပျိုးရေး သုတေသနဦးစီးဌာနနှင့် မြန်မာနိုင်ငံဘဏ္ဍာရေး စင်တာ (Myanmar Financial Centers-MFC) တို့က နားလည်မှုစာချွန်လွှာ လက်မှတ်ရေးထိုး ခဲ့ပြီးဖြစ်ပါသည်။ မြန်မာနိုင်ငံဘဏ္ဍာရေးစင်တာသည် မြန်မာနိုင်ငံ၌ဘဏ်လုပ်ငန်းနှင့် ဘဏ္ဍာရေးလုပ်ငန်းဆိုင်ရာ ကျွမ်းကျင်ပညာရှင် တို့ မွေးထုတ်ပေးရန် ရည်ရွယ်ဖွဲ့စည်းထားသည့် မြန်မာနိုင်ငံအခြေစိုက် အဖွဲ့အစည်းဖြစ်ပါသည်။ မြန်မာနိုင်ငံ၏လူဦးရေ (၇၀) ရာခိုင်နှုန်းသည် လယ်ယာစိုက်ပျိုးရေးကဏ္ဍ အပေါ် မှီခိုနေရသည်ဖြစ်၍ လယ်ယာ စိုက်ပျိုးရေးဆိုင်ရာ စီမံကိန်းတို့ကို အရည်အသွေးမီမီ စီမံခန့်ခွဲပေးနိုင်မည့် ပညာရှင်တို့ လိုအပ်လျက် ရှိနေသည်မှာ အထင်အရှားဖြစ်ပါသည်။ ဤသင်ကြားရေးအစီအစဉ် (CAMP) သည် စိုက်ပျိုးရေးတက္ကသိုလ် ကျောင်းသား ကျောင်းသူတို့ကို စိုက်ပျိုးရေးဘွဲ့သာမက နိုင်ငံတကာအသိအမှတ်ပြုလက်မှတ် PMI (VSA) ကိုပါ ပေးအပ်နိုင်မည် ဖြစ်ပါသည်။ ထိုမျှသာမက တိုင်းပြည်က အသေအချာလိုအပ်လျက်ရှိသော စီမံခန့်ခွဲမှုနည်းပညာတို့ကို ရရှိပွားများ စေမည်ဖြစ်ပါသည်။ စိုက်ပျိုးရေးဘွဲ့ရ ကျောင်းသား ကျောင်းသူတို့အနေဖြင့် စီမံကိန်းတို့ကို ကိုယ်တိုင်ရေးဆွဲ၊ ကိုယ်တိုင်စီမံခန့်ခွဲနိုင်ပါက တိုင်းပြည်အတွက် အကျိုးများမည်မှာ အသေအချာပင်ဖြစ်ပါသည်။ ဤပထမအဆင့်စီမံခန့်ခွဲမှုသင်တန်း (CAMP) ၌ သင်တန်းသူ သင်တန်းသားတို့ကို နာရီ ၃၀ ကြာအနီးကပ် ဖိဖိစီးစီး သင်ကြားပေး မည် ဖြစ်သကဲ့သို့ အင်တာနက်မှတစ်ဆင့် သင်တန်းသူ သင်တန်းသား တစ်ဦးချင်းစီကို တစ်နှစ်ကြာ သင်ကြားပေးသွားမည် ဖြစ်ပါသည်။ အဆိုပါ သင်တန်းသင်ကြားပို့ချမှုပုံစံကို ကြည့်ခြင်းဖြင့် ဤသင်တန်းက အရည် အသွေးမီ စီမံကိန်းရေးဆွဲသူတို့ မွေးထုတ်ပေးမည်ကို သိမြင်နိုင်ပါသည်။ သို့ဖြစ်ပါ၍ စိုက်ပျိုးရေးသုတေသန ဦးစီးဌာနနှင့် မြန်မာနိုင်ငံဘဏ္ဍာရေး စင်တာ (MFC) တို့၏ ပူးပေါင်းဆောင်ရွက်မှုကို ကြိုဆိုဂုဏ်ပြု ပါကြောင်း လေးစားစွာ တင်ပြအပ်ပါသည်။
Wiki
Download PDF
This particular is usually apparently essential and moreover outstanding truth along with for sure fair-minded and moreover admittedly useful My business is looking to find in advance designed for this specific useful stuffs… velvet pillow covers , ac blanket for summer ,
ReplyDeleteMost modern celebrity sex doll organizations in real life are interested in assembling dolls for children to play with, with one exception. Sex dolls feel like collectible dolls designed for adults. Other modern doll organizations seem to produce dolls with the same general characteristics.
ReplyDelete